Tá Corrthrádáil rialaithe leis an Acht Corr-Thrádála, 1995, arna leasú, mar aon le Fodhlíthe Corr-Thrádála an cheantair.
Faoin Acht seo, is cion é trádáil a dhéanamh gan ceadúnas ócáideach bailí.
Tá Corrthrádáil roinnte ina Thrádáil i Limistéar Ainmnithe agus Trádáil Imeachta Speisialta, limistéar sainithe.
Ceadúnaíonn CB Dhurlas trádálaithe ócáideacha chun earraí a dhíol i limistéir phoiblí agus limistéir thrádála ainmnithe.
Ar na limistéir ainmnithe, cuimsítear na háiteanna seo a leanas:
- Durlas: Trádáil Shathairn – Carrchlós Shráid Parnell
- An Teampall Mór: Trádáil Déardaoin – An Chearnóg, An Teampall Mór
Táillí: €70.00 don cheadúnas & €280.00 in aghaidh na bliana ar chíos spáis – is féidir an cíos a íoc go ráithiúil
Ceadúnas d’Imeachtaí Speisialta
Eisítear Ceadúnais Corrthrádála freisin le haghaidh imeachtaí speisialta, nuair a theastaíonn ó dhuine earraí a dhíol i gceantar an imeachta don lá nó do na laethanta a mbeidh an t-imeacht ar siúl, m.sh. cluichí CLG, paráid Lá Fhéile Pádraig srl. Bíonn líon na láithreán teoranta, mar gheall ar riachtanais an Gharda Síochána, riachtanais Sábháilteachta agus/nó srianta spáis.
Moltar do thrádálaithe iarratas a dhéanamh ar a laghad 4 seachtaine roimh imeacht, ag baint úsáid as an bhFoirm Iarratais ar Cheadúnas Corrthrádála d'Imeacht Speisialta.
Is iad na táillí do cheadúnais imeachta:
- Seastán beag nó bord: €30.00
- Seastán Meánmhéide: €50.00
- Seastán bia te: €125.00
- Moltar duit teagmháil a dhéanamh le hoifig CB Dhurlas roimh d'fhoirm iarratais a chur isteach chun seiceáil an bhfuil ceadúnais corrthrádála á n-eisiúint don imeacht ar leith.
- Ní hionann glacadh CB Dhurlas le hiarratas agus ráthaíocht go ndeonófar ceadúnas.
- Ní mór do thrádálaithe bia-ábhar cloí le riachtanais Oifig Sláinte Comhshaoil FSS áitiúil.
- Ní mór do gach trádálaí a n-Árachas Dliteanais Phoiblí, Táirge agus Fostóirí féin a bheith acu.
- Nuair a dheonaítear ceadúnais, tá dualgas ar CB Dhurlas ainm, seoladh agus Uimhir PSP gach trádálaí a sholáthar don Aire Leasa Shóisialaigh agus do na Coimisinéirí Ioncaim.
Ba chóir foirmeacha comhlánaithe a chur chuig:
Ceantar Bardasach Dhurlas
Ascaill an Chaisleáin
Durlas
Contae Thiobraid Árann
Teileafón +353(0) 818 06 5000
Ríomhphost: anne.moloughney@tipperarycoco.ie
Uaireanta oscailte: 9.00 a.m. go 4.30 p.m. (Luan go hAoine), gan laethanta saoire poiblí san áireamh.
