Caithfidh tú iarratas a dhéanamh chuig an údarás áitiúil ar dheimhniú má thógann tú foirgneamh nua, má dhéanann tú athruithe nó má athraíonn tú úsáid foirgnimh shonraithe atá ann cheana féin. Deimhníonn sé seo go gcomhlíonann foirgneamh riachtanais rochtana míchumais sula ndéantar é a áitiú nó a úsáid.
Ní mór duit iarratas ar cheadúnas a dhéanamh chuig an údarás áitiúil más trádálaí ócáideach tú agus má theastaíonn uait earraí a dhíol in áit phoiblí nó i limistéar trádála ainmnithe.
Ní mór duit fógra a thabhairt don Oifig Náisiúnta Lasta Trasteorann i gComhairle Cathrach Bhaile Átha Cliath más mian leat dramhaíl ghuaiseach a easpórtáil, a iompórtáil nó a iompar.
Ní mór duit iarratas a dhéanamh chuig an údarás áitiúil ar cheadúnas chun trealamh soghluaiste amhail craenacha, cliabháin ardaithe nó ardaitheoirí a úsáid.
Ní mór d’ionaid tionsclaíocha a scaoileann astaíochtaí isteach san atmaisféar, amhail ionaid bhiotúmain agus ionaid theirmeacha ar scála beag, iarratas ar cheadúnas a dhéanamh chuig an údarás áitiúil.
Eisíonn an Oifig Náisiúnta Bailithe Dramhaíola i gComhairle Contae Uíbh Fhailí ceadanna bailithe dramhaíola do bhailitheoirí ceadaithe nó d'iompróirí dramhaíola.
